Siemens Zbulon Trenin e Ri Mireo Smart Plus B

Siemens Mobility ka lansuar së fundi trenin e ri me emetim të ulët Mireo Smart Plus B me bateri. I prezantuar në Qendrën e Testimit Wegberg-Wildenrath në Gjermani, treni pritet të hyjë në shërbim më 2026 në linjën RE 47 mes Remscheid-Lennep dhe Stacionit Qendror të Düsseldorf, duke zëvendësuar trenët me diçel të operatorit të tanishëm.

Treni Mireo Smart Plus B karakterizohet nga një funksionim i dyfishtë (me rrymë të pantografës dhe bateri) me një shpejtësi maksimale prej 140 km/h dhe një rang prej 120 km. Ai mund të shfrytëzojë në mënyrë efikase infrastrukturën ekzistuese, pasi sistemi i baterisë së tij mbështet ngarkimin gjatë lëvizjes dhe në pozicion të palëvizshëm, duke eliminuar nevojën për instalime shtesë ngarkimi. I pajisur me teknologji të avancuar prej karbide silici (SiC), ai zvogëlon në mënyrë të konsiderueshme konsumin e energjisë, duke e rritur efikasinë energjetike dhe duke ulur koston e funksionimit, arritje që garanton si mbrojtjen e ambientit ashtu edhe përfitime ekonomike. Treni ka 122 ulëse, një zonë multifunksionale dhe një kuvertë të veçantë për klasën e parë me 8 ulëse, si dhe ofronë Wi-Fi, hyrje pa pengesa dhe hapësirë për të ruajtur 12 biçikleta. Poashtu, treni përfshin zgjidhjen e Siemens për dritare me frekuencë të lartë, e cila përmirëson në mënyrë efektive sinjalin e telefonit celular brenda vagoneve.

Nën kontratën me shërbim të plotë, Siemens Mobility do të jetë përgjegjëse për mirëmbajtjen e tërë ciklit jetësor të trenit, duke siguruar gati 100% disponueshmëri në operacionet e përditshme. Në të ardhmen, mirëmbajtja parandaluese dhe korrigjuese do të kryhet në qendrën e shërbimit hekurudhor të Siemens Mobility në Dortmund, një nga bazat më të avancuara hekurudhore të mirëmbajtjes së transportit në Evropë. Për më tepër, Siemens Mobility do të ofrojë shërbime digjitale nëpërmjet platformës Railigent X për të monitoruar në kohë reale gjendjen operative të trenit dhe për të lëshuar paralajmërime mbi disfunkcionet, duke mundësuar kështu masa proaktive për mirëmbajtjen në atë qendër të riparimit.